یاد کر وہ دن کہ تیرا کوئی سودائی نہ تھا

یاد کر وہ دن کہ تیرا کوئی سودائی نہ تھا

باوجود حسن تو آگاہ رعنائی نہ تھا

عشق روزافزوں پہ اپنے مجھ کو حیرانی نہ تھی

جلوۂ رنگیں پہ تجھ کو ناز یکتائی نہ تھا

دید کے قابل تھی میرے عشق کی بھی سادگی

جبکہ تیرا حسن سرگرم خود آرائی نہ تھا

کیا ہوئے وہ دن کہ محو آرزو تھے حسن و عشق

ربط تھا دونوں میں گو ربط شناسائی نہ تھا

تو نے حسرتؔ کی عیاں تہذیب رسم عاشقی

اس سے پہلے اعتبار شان رسوائی نہ تھا

yad kar wo din ke tera koi saudai na tha

bawajud-e-husn to agah-e-raanai na tha

ishq rozafzun pe apne mujh ko hairani na thi

jalwa-e-rangin pe tujh ko naz yaktai na tha

did ke qabil thi mere ishq ki bhi sadgi

jabke tera husn sargarm-e-khud arai na tha

kya hue wo din ke mahw-e-arzu the husn-o-ishq

rabt tha donon mein go rabt-e-shanasai na tha

tu ne hasrat ki ayan tahzib-e-rasm-e-ashiqi

is se pahle etibar-e-shan-e-ruswai na tha