یا رب کہیں سے گرمئ بازار بھیج دے

یا رب کہیں سے گرمئ بازار بھیج دے

دل بیچتا ہوں کوئی خریدار بھیج دے

اپنی بساط میں تو یہی دل ہے میری جاں

لیتا نہیں تو کیا کروں اے یار بھیج دے

دعویٰ جو برشگال کو آنکھوں سے ہے مری

ایسا کوئی جو ابر گہربار بھیج دے

دیتے ہیں عقد حسن میں عاشق عروس جاں

آتا نہیں جو آپ تو تلوار بھیج دے

سوداؔ سے غم گسار کا تھا دل یہ تیں لیا

اس کے عوض بھلا کوئی غم خوار بھیج دے

ya rab kahin se garmi-e-bazar bhej de

dil bechta hun koi kharidar bhej de

apni bisat mein to yahi dil hai meri jan

leta nahin to kya karun ai yar bhej de

daawa jo barshgal ko ankhon se hai miri

aisa koi jo abr-e-guharbar bhej de

dete hain aqd husn mein ashiq urus-e-jan

ata nahin jo ap to talwar bhej de

sauda se gham gusar ka tha dil ye tin liya

us ke ewaz bhala koi gham khwar bhej de