ہے خموشیٔ انتظار بلا

ہے خموشیٔ انتظار بلا

است ہے ایک چپ ہزار بلا

دیکھ لے اک نظر کہ ہے منظور

صد تباہی و صد ہزار بلا

دلبری پر ہے جاں فزا بے داد

دل دہی پر ہے جاں نثار بلا

ہجر میں آسماں مدارائی

وصل میں ہے ستیزہ کار بلا

کج کلاہی کا ہم نشیں فتنہ

خم گیسو کی دوست دار بلا

آ گئی سر پہ عاقبت آفت

ہو گئی چشم انتظار بلا

ہے فدا مجھ پہ آسماں گویا

وار وار آئی بار بار بلا

مجھ سا پامال روزگار ہے کون

خجل آفت ہے شرم سار بلا

داغ کا میرے درد کش صدمہ

درد کی میرے راز دار بلا

صحن گلشن کی شمع بزم ہے برق

نوجوانی کی ہے بہار بلا

اے قلقؔ آسرے کا کیا جینا

زندگی ہے مآل کار بلا

hai khamoshi-e-intizar bala

ast hai ek chup hazar bala

dekh le ik nazar ke hai manzur

sad tabahi-o-sad hazar bala

dilbari par hai jan faza be dad

dil dahi par hai jan nisar bala

hijr mein asman muddarai

wasl mein hai satizeh kar bala

kaj kulahi ka ham nashin fitna

kham-e-gesu ki dost dar-e-bala

a gai sar pe aqibat afat

ho gai chashm-e-intizar bala

hai fida mujh pe asman goya

war war ai bar bar bala

mujh sa pamal-e-rozgar hai kaun

khajil afat hai sharm sar bala

dagh ka mere dard kash sadma

dard ki mere raz dar-e-bala

sehn-e-gulshan ki sham-e-bazm hai barq

naujawani ki hai bahar bala

ai qalaq asre ka kya jina

zindagi hai maal-e-kar bala