ہے سبزہ زار ہر در و دیوار غم کدہ

ہے سبزہ زار ہر در و دیوار غم کدہ

جس کی بہار یہ ہو پھر اس کی خزاں نہ پوچھ

ناچار بیکسی کی بھی حسرت اٹھائیے

دشواری رہ و ستم ہم رہاں نہ پوچھ

جز دل سراغ درد بہ دل خفتگاں نہ پوچھ

آئینہ عرض کر خط و خال بیاں نہ پوچھ

ہندوستان سایۂ گل پاۓ تخت تھا

جاہ و جلال عہد وصال بتاں نہ پوچھ

غفلت متاع کفۂ میزان عدل ہوں

یا رب حساب سختی خواب گراں نہ پوچھ

ہر داغ تازہ یک دل داغ انتظار ہے

عرض فضاۓ سینۂ درد امتہاں نہ پوچھ

کہتا تھا کل وہ محرم راز اپنے سے کہ آہ

درد جدائی اسدؔ اللہ خاں نہ پوچھ

پرواز یک تپ غم تسخیر نالہ ہے

گرمیٔ نبض خار و خس آشیاں نہ پوچھ

تو مشق باز کر دل پروانہ ہے بہار

بیتابیٔ تجلیٔ آتش بجاں نہ پوچھ

hai sabza zar har dar-o-diwar-e-gham kada

jis ki bahar ye ho phir us ki khizan na puchh

nachar bekasi ki bhi hasrat uthaiye

dushwari-e-rah-o-sitam ham rahan na puchh

juz dil suragh-e-dard ba dil khiffatgan na puchh

aina arz kar khat-o-khal-e-bayan na puchh

hindostan saya-e-gul pae takht tha

jah-o-jalal-e-ahd-e-wisal-e-butan na puchh

ghaflat mata-e-kafa-e-mizan-e-adl hun

ya rab hisab-e-sakhti-e-khwab-e-giran na puchh

har dagh-e-taza yak dil-e-dagh-e-intizar hai

arz-e-faza-e-sina-e-dard imtihan na puchh

kahta tha kal wo mahram-e-raz apne se ke ah

dard-e-judai-e-asad allah khan na puchh

parwaz yak tap-e-gham-e-taskhir-e-nala hai

garmi-e-nabz-e-khar-o-khas-e-ashiyan na puchh

tu mashq baz kar dil-e-parwana hai bahar

betabi-e-tajalli-e-atish bajan na puchh