ہے جنبش مژگاں میں تری تیر کی آواز

ہے جنبش مژگاں میں تری تیر کی آواز

اس تیر میں ہے صید کی تکبیر کی آواز

مشتاق ہوں تجھ لب کی فصاحت کا ولیکن

'رانجھا' کے نصیبوں میں کہاں ہیر کی آواز

تو خسرو خوباں ہے کہ لے ہند سیں تا روم

پہنچی ہے ترے حسن جہانگیر کی آواز

حیرت کے مقامات میں قانون نوا نہیں

ہے ساز خموشی لب تصویر کی آواز

ہرگز نہ سناؤ اسے زنجیر کی آواز

پیتا ہوں جدائی میں تری گھونٹ لہو کی

سن غنچہ دہن عاشق دلگیر کی آواز

اے جان سراجؔ آ کے پتنگوں کی خبر لیو

سن جاؤ مرے نالۂ شب گیر کی آواز

hai jumbish-e-mizhgan mein tiri tir ki awaz

is tir mein hai said ki takbir ki awaz

mushtaq hun tujh lab ki fasahat ka walekin

'ranjha' ke nasibon mein kahan hir ki awaz

tu khusrau khuban hai ke le hind sin ta rom

pahunchi hai tire husn jahangir ki awaz

hairat ke maqamat mein qanun nawa nahin

hai saz khamoshi lab-e-taswir ki awaz

hargiz na sunao use zanjir ki awaz

pita hun judai mein tiri ghunt lahu ki

sun ghuncha dahan ashiq dilgir ki awaz

ai jan siraj a ke patangon ki khabar liw

sun jao mire nala-e-shab gir ki awaz