ہیں بہت سے عاشق دلگیر جمع

ہیں بہت سے عاشق دلگیر جمع

تیرے ترکش میں ہیں کتنے تیر جمع

اچھی صورت سے ہمیں بھی عشق ہے

کرتے ہیں تصویر پر تصویر جمع

کوچہ قاتل میں آفت آ گئی

جب ہوئے دو چار بھی رہ گیر جمع

یا لگا دو آگ یا لکھ دو جواب

ہو گیا ہے دفتر تحریر جمع

تھوڑی تھوڑی ہی ملے اس در کی خاک

چٹکی چٹکی ہم کریں اکسیر جمع

خون دل کا چشم تر ٹھیکا نہ لے

اس سے ہونے کی نہیں توفیر جمع

کس طرح یکجا ہوں داغؔ اپنے عزیز

ہونے دیتی ہی نہیں تقدیر جمع

hain bahut se ashiq-e-dilgir jama

tere tarkash mein hain kitne tir jama

achchhi surat se hamen bhi ishq hai

karte hain taswir par taswir jama

kucha qatil mein afat a gai

jab hue do char bhi rah gir jama

ya laga do ag ya likh do jawab

ho gaya hai daftar-e-tahrir jama

thori thori hi mile us dar ki khak

chutki chutki ham karen iksir jama

khun-e-dil ka chashm-e-tar theka na le

us se hone ki nahin tofair jama

kis tarah yakja hun dagh apne aziz

hone deti hi nahin taqdir jama