ہوں تیرے تصور میں مری جاں ہمہ تن چشم

ہوں تیرے تصور میں مری جاں ہمہ تن چشم

دل ہے مرا جوں آئینہ حیراں ہمہ تن چشم

تا ایک نظر دیکھے تجھے اے مہ تاباں

رہتا ہے سدا مہر درخشاں ہمہ تن چشم

آنکھوں کو ملے تاکہ ترے پاؤں کے نیچے

ہر نقش قدم سے ہے بیاباں ہمہ تن چشم

ہے حلقۂ زنجیر سے زنداں ہمہ تن چشم

اس آئینہ رو کے ہے تصور میں نظیرؔ اب

حیرت زدہ نظارہ پریشاں ہمہ تن چشم

hun tere tasawwur mein miri jan hama tan chashm

dil hai mira jun aina hairan hama tan chashm

ta ek nazar dekhe tujhe ai mah-e-taban

rahta hai sada mehr-e-darakhshan hama tan chashm

ankhon ko mile take tire paon ke niche

har naqsh-e-qadam se hai bayaban hama tan chashm

hai halqa-e-zanjir se zindan hama tan chashm

is aina ru ke hai tasawwur mein nazir ab

hairat zada nazzara pareshan hama tan chashm