تلخ شکوے لب شیریں سے مزا دیتے ہیں

تلخ شکوے لب شیریں سے مزا دیتے ہیں

گھول کر شہد میں وہ زہر پلا دیتے ہیں

یوں تو ہوتے ہیں محبت میں جنوں کے آثار

اور کچھ لوگ بھی دیوانہ بنا دیتے ہیں

پردہ اٹھے کہ نہ اٹھے مگر اے پردہ نشیں

آج ہم رسم تکلف کو اٹھا دیتے ہیں

آتے جاتے نہیں کمبخت پیامی ان تک

جھوٹے سچے یوں ہی پیغام سنا دیتے ہیں

وائے تقدیر کہ وہ خط مجھے لکھ لکھ کے ظہیرؔ

میری تقدیر کے لکھے کو مٹا دیتے ہیں

talkh shikwe lab-e-shirin se maza dete hain

ghol kar shahd mein wo zahr pila dete hain

yun to hote hain mohabbat mein junun ke asar

aur kuchh log bhi diwana bana dete hain

parda uthe ke na uthe magar ai parda nashin

aj ham rasm takalluf ko utha dete hain

ate jate nahin kambakht payami un tak

jhute sachche yun hi paigham suna dete hain

wae taqdir ke wo khat mujhe likh likh ke zahir

meri taqdir ke likhe ko mita dete hain