ہیں دہن غنچوں کے وا کیا جانے کیا کہنے کو ہیں

ہیں دہن غنچوں کے وا کیا جانے کیا کہنے کو ہیں

شاید اس کو دیکھ کر صل علیٰ کہنے کو ہیں

وصف چشم و وصف لب اس یار کا کہنے کو ہیں

آج ہم درس اشارات و شفا کہنے کو ہیں

آج ان سے مدعی کچھ مدعا کہنے کو ہیں

پر نہیں معلوم کیا کہویں گے کیا کہنے کو ہیں

جو وہ قد قامت سدا کہنے کو ہیں

اور عاشق وصف قد قامت ترا کہنے کو ہیں

پوچھ آ قاتل سے تو وہ کب کرے گا ہم کو قتل

آج ہم تاریخ مرگ آپ اے قضا کہنے کو ہیں

میں ترے ہاتھوں کے قرباں واہ کیا مارے ہیں تیر

سب دہان زخم منہ سے مرحبا کہنے کو ہیں

وہ جنازے پر مرے کس وقت آئے دیکھنا

جب کہ اذن عام میرے اقربا کہنے کو ہیں

hain dahan ghunchon ke wa kya jane kya kahne ko hain

shayad us ko dekh kar sal-e-ali kahne ko hain

wasf-e-chashm-o-wasf-e-lab us yar ka kahne ko hain

aj ham dars-e-isharat-o-shifa kahne ko hain

aj un se muddai kuchh muddaa kahne ko hain

par nahin maalum kya kahwen ge kya kahne ko hain

jo wo qad qamat sada kahne ko hain

aur ashiq wasf-e-qad qamat tira kahne ko hain

puchh a qatil se to wo kab karega ham ko qatl

aj ham tarikh marg ap ai qaza kahne ko hain

main tire hathon ke qurban wah kya mare hain tir

sab dahan-e-zakhm munh se marhaba kahne ko hain

wo janaze par mire kis waqt ae dekhna

jab ke izn-e-am mere aqriba kahne ko hain