ہیں جو مروج مہر و وفا کے سب سر رشتے بھول گئے

ہیں جو مروج مہر و وفا کے سب سر رشتے بھول گئے

پھر گئے تم تو قول و قسم سے اپنے نوشتے بھول گئے

جب دیکھو تب لاٹھی ٹھینگے کھٹ کھٹ کرتے پھرتے ہیں

اڑتے ہیں کوئی شیخ جی صاحب ان کو فرشتے بھول گئے

اہلے گہلے پھرتے ہو صاحب سیر چمن میں اور تمہیں

اپنے تڑپتے زخمی سب خوں میں آغشتے بھول گئے

قاضی جیو کے دونوں بیٹے ہم سے کہیں گے ہے وہ مثل

گھر میں فرشتے کے خارشتے سو خارشتے بھول گئے

نسل بڑی آدم کی انشاؔ کون کسی کو پہچانے

باعث کثرت ہم دیگر کے ناتے رشتے بھول گئے

hain jo murawwij mehr-o-wafa ke sab sar rishte bhul gae

phir gae tum to qaul-o-qasam se apne naushite bhul gae

jab dekho tab lathi thenge khit khit karte phirte hain

urte hain koi shaikh ji sahab un ko farishte bhul gae

ahle gahle phirte ho sahab sair-e-chaman mein aur tumhen

apne tarapte zakhmi sab khun mein aghashte bhul gae

qazi jiyo ke donon bete ham se kahenge hai wo misl

ghar mein farishte ke kharshite so kharshite bhul gae

nasl bari adam ki insha kaun kisi ko pahchane

bais kasrat ham digar ke nate rishte bhul gae