تقدیر

اے خدائے کُن فکاں! مجھ کو نہ تھا آدم سے بَیر

آہ! وہ زندانیِ نزدیک و دُور و دیر و زُود

حرفِ ’اِستکبار‘ تیرے سامنے ممکن نہ تھا

ہاں، مگر تیری مشیّت میں نہ تھا میرا سجود

کب کھُلا تجھ پر یہ راز، انکار سے پہلے کہ بعد؟

بعد، اے تیری تجلّی سے کمالاتِ وجود!

پستیِ فطرت نے سِکھلائی ہے یہ حُجتّ اسے

کہتا ہے ’تیری مشیّت میں نہ تھا میرا سجود،

دے رہا ہے اپنی آزادی کو مجبوری کا نام

ظالم اپنے شُعلۂ سوزاں کو خود کہتا ہے دُود!

ai khudae kun fakan! mujh ko na tha adam se bair

ah! wo zindani-e-nazdik-o-dur-o-dair-o-zud

harf 'astkibar' tere samne mumkin na tha

han, magar teri mashiyyat mein na tha mera sujud

kab khula tujh par ye raz, inkar se pahle ke baad?

baad, ai teri tajalli se kamalat-e-wajud!

pasti-e-fitrat ne sikhlai hai ye hujjat use

kahta hai 'teri mashiyyat mein na tha mera sujud,

de raha hai apni azadi ko majburi ka nam

zalim apne shola-e-sozan ko khud kahta hai dud!