ہوش و خرد کو کر دیا ترک اور شغل جو کچھ تھا چھوڑ دیا

ہوش و خرد کو کر دیا ترک اور شغل جو کچھ تھا چھوڑ دیا

ہم نے تمہاری چاہ میں اے جاں دیکھو تو کیا کیا چھوڑ دیا

کوچے میں اس رشک چمن کے جا کے جو بیٹھا پھر اس نے

باغ و چمن یاں جتنے ہیں سب کا سیر و تماشا چھوڑ دیا

لوٹا ہوش اور لوٹا دیں کو دل کو بھی کچلا کیا کیا واہ

ناز کو اس نے آج تو کچھ بیداد پر ایسا چھوڑ دیا

دن کو ہمارے پاس وہ چنچل کاہے کو آوے گا اے دل

رات کو اک دم خواب میں آنا جس نے ادھر کا چھوڑ دیا

طائر دل جب ہم سے گیا پھر فائدہ کیا جو پوچھیں نظیرؔ

شوخ نے اس کو ذبح کیا یا قید رکھا یا چھوڑ دیا

hosh-o-khirad ko kar diya tark aur shaghl jo kuchh tha chhor diya

ham ne tumhari chah mein ai jan dekho to kya kya chhor diya

kuche mein is rashk-e-chaman ke ja ke jo baitha phir us ne

bagh-o-chaman yan jitne hain sab ka sair-o-tamasha chhor diya

lauta hosh aur lauta den ko dil ko bhi kuchla kya kya wah

naz ko us ne aj to kuchh bedad par aisa chhor diya

din ko hamare pas wo chanchal kahe ko awega ai dil

rat ko ik dam khwab mein ana jis ne idhar ka chhor diya

tair dil jab ham se gaya phir faida kya jo puchhen nazir

shokh ne us ko zabh kiya ya qaid rakha ya chhor diya