ہولی (فائز دہلوی)

آج ہے روز وسنت اے دوستاں

سرو قد ہے بوستاں کے درمیاں

باغ میں ہے عیش و عشرت رات دن

گل رخاں بن نئیں گزرتی ایک دن

سب کے تن میں ہے لباس کیسری

کرتے ہیں صد برگ سوں لب ہم سری

خوب رو سب بن رہے ہیں لال زرد

باغ کا بازار ہے اس وقت سرد

چاند جیسا ہے شفق بھیتر عیاں

چہرہ سب کا از گلال آتش فشاں

ہر چھبیلی از لباس کیسری

تازہ کرتی ہے بہار جعفری

ناچتی گا گا کے ہولی دم بدم

جیوں سبھا اندر کی در باغ ارم

از کبیر و رنگ کیسر اور گلال

ابر چھایا ہے سفید و زرد و لال

جیوں جھڑی ہر سو ہے پچکاری کی دھار

دوڑتی ہیں ناریاں بجلی کے سار

جوش عشرت گھر بہ گھر ہے ہر طرف

ناچتی ہیں سب تکلف بر طرف

aj hai roz wasnat ai dostan

sarw qad hai bostan ke darmiyan

bagh mein hai aish-o-ishrat rat din

gul rukhan ban nain guzarti ek din

sab ke tan mein hai libas-e-kesri

karte hain sad barg sun lab ham siri

khub ru sab ban rahe hain lal zard

bagh ka bazar hai is waqt-e-sard

chand jaisa hai shafaq bhitar ayan

chehra sab ka az gulal atish fishan

har chhabili az libas-e-kesri

taza karti hai bahar-e-jaafari

nachti ga ga ke holi dam badam

jyun sabha andar ki dar-e-bagh-e-iram

az kabir-o-rang kesar aur gulal

abr chhaya hai safed-o-zard-o-lal

jyun jhari har su hai puchkari ki dhar

daurti hain nariyan bijli ke sar

josh-e-ishrat ghar ba ghar hai har taraf

nachti hain sab takalluf bar taraf