ہوس کی آنکھ سیں وو چہرۂ روشن نہ دیکھو گے

ہوس کی آنکھ سیں وو چہرۂ روشن نہ دیکھو گے

تو چہرہ تو کہاں پن گوشۂ دامن نہ دیکھو گے

چھپاتے ہو سو بے جا اس جمال حیرت افزا کوں

مری آنکھوں سیں دیکھو گے تو پھر درپن نہ دیکھو گے

اگر اس خوش دہن کے لب پہ دیکھو رنگ مسی کا

تو پھر زنہار برگ غنچۂ سوسن نہ دیکھو گے

اگر دیکھو گے عکس اس خط کا میری چشم گریاں میں

لب جو پر بہار سبزۂ گلشن نہ دیکھو گے

سراجؔ اپنے سیں کیوں وسواس ہے اے شمع رو تم کوں

کسی عاشق کوں تم معشوق کا دشمن نہ دیکھو گے

hawas ki ankh sin wo chehra-e-raushan na dekhoge

tu chehra to kahan pan gosha-e-daman na dekhoge

chhupate ho so be ja is jamal-e-hairat afza kun

miri ankhon sin dekhoge to phir darpan na dekhoge

agar is khush dahan ke lab pe dekho rang missi ka

to phir zinhar barg-e-ghuncha-e-sosan na dekhoge

agar dekhoge aks is khat ka meri chashm-e-giryan mein

lab jo pur bahar sabza-e-gulshan na dekhoge

siraj apne sin kyun waswas hai ai shama ro tum kun

kisi ashiq kun tum maashuq ka dushman na dekhoge