ہوا ہوں ان دنوں مائل کسی کا

ہوا ہوں ان دنوں مائل کسی کا

نہ تھا میں اس قدر گھائل کسی کا

دوانے دل کوں سمجھاتا ہوں لیکن

کہاں لگ ہوئے کوئی حائل کسی کا

ہوا ہے دل دہی کا تم پہ تاواں

نہیں آسان لینا دل کسی کا

خم گیسو سیں اپنے تو گرہ کھول

کھلے تا عقدۂ مشکل کسی کا

کیا یک وار میں کئی دل کی پھانکیں

لگا ہے ہات کیا کامل کسی کا

گلی میں جس کی شور کربلا ہے

سلونا شوخ ہے قاتل کسی کا

کہو اس لالۂ گلزار جاں کوں

کبھی تو دیکھ داغ دل کسی کا

سراجؔ اب سوز دل میرا وو جانے

جو ہے پروانۂ محفل کسی کا

hua hun in dinon mail kisi ka

na tha main is qadar ghayal kisi ka

diwane dil kun samjhata hun lekin

kahan lag hue koi hail kisi ka

hua hai dil dahi ka tum pe tawan

nahin asan lena dil kisi ka

kham-e-gesu sin apne to girah khol

khule ta uqda-e-mushkil kisi ka

kya yak war mein kai dil ki phanken

laga hai hat kya kamil kisi ka

gali mein jis ki shor-e-karbala hai

salona shokh hai qatil kisi ka

kaho is lala-e-gulzar-e-jan kun

kabhi to dekh dagh-e-dil kisi ka

siraj ab soz-e-dil mera wo jane

jo hai parwana-e-mahfil kisi ka