ہندو اور مسلمان

فخر وطن ہیں دونوں اور دونوں مقتدر ہیں

ہیں پھول اک چمن کے اک نخل کے ثمر ہیں

اے قوم تیرے دکھ کے دونوں ہی چارہ گر ہیں

دونوں جگر جگر ہیں لیکن دگر دگر ہیں

آپس کے تفرقوں سے ہیں آہ خار دونوں

اغیار کی نظر میں ہیں بے وقار دونوں

مل کر چلو کہ آخر دونوں ہو بھائی بھائی

بھائی سے کیا لڑائی بھائی سے کیا برائی

کب تک یہ خانہ جنگی کب تک یہ خودستائی

دو بھائیوں کو ہرگز زیبا نہیں جدائی

مل کر گلے نکالو دل کا غبار دونوں

اس خاک کے ہو پتلے پایان کار دونوں

رشک جناں بناؤ ہندوستاں کو مل کر

خون جگر سے سینچو اس گلستاں کو مل کر

لہراؤ آسماں پر قومی نشاں کو مل کر

دو آب جاں نثاری نوک سناں کو مل کر

fakhr-e-watan hain donon aur donon muqtadir hain

hain phul ik chaman ke ik nakhl ke samar hain

ai qaum tere dukh ke donon hi chara gar hain

donon jigar jigar hain lekin digar digar hain

apas ke tafriqon se hain ah khar donon

aghyar ki nazar mein hain be waqar donon

mil kar chalo ke akhir donon ho bhai bhai

bhai se kya larai bhai se kya burai

kab tak ye khana jangi kab tak ye khudsitai

do bhaiyon ko hargiz zeba nahin judai

mil kar gale nikalo dil ka ghubar donon

is khak ke ho putle payan-e-kar donon

rashk-e-janan banao hindostan ko mil kar

khun-e-jigar se sincho is gulsitan ko mil kar

lahrao asman par qaumi nishan ko mil kar

do ab jan nisari nok-e-sinan ko mil kar