ہمیں یاد آوتی ہیں باتیں اس گل رو کی رہ رہ کے

ہمیں یاد آوتی ہیں باتیں اس گل رو کی رہ رہ کے

نہیں ہیں باغ میں مشتاق ہم بلبل کے چہ چہ کے

کرے گا قتل کس کو دیکھیے وہ تیغ زن یارو

چلا آتا ہے اپنے ہاتھ میں قبضے کو گہہ گہہ کے

نشا ایسا ہوا اس کی نگہ کا جو نہیں تھمتے

ہمارے اشک جاتے ہیں چلے چشموں سے بہہ بہہ کے

ہم اس کا مسکرانا یاد کر رو رو کے ہنستے ہیں

نہیں مشتاق اب بازار کے خندوں کے قہہ قہہ کے

سخن میں فخر اپنا بن کیے رہتا نہیں ناجیؔ

اسے سمجھائے حاتمؔ کس طرح اشعار کہہ کہہ کے

hamen yad awati hain baten us gul ru ki rah rah ke

nahin hain bagh mein mushtaq ham bulbul ke cha cha ke

karega qatl kis ko dekhiye wo tegh zan yaro

chala ata hai apne hath mein qabze ko gah gah ke

nasha aisa hua us ki nigah ka jo nahin thamte

hamare ashk jate hain chale chashmon se bah bah ke

ham us ka muskurana yad kar ro ro ke hanste hain

nahin mushtaq ab bazar ke khandon ke qaha qaha ke

sukhan mein fakhr apna ban kiye rahta nahin naji

use samjhae hatim kis tarah ashar kah kah ke