ہمیں وقف غم سر بسر دیکھ لیتے

ہمیں وقف غم سر بسر دیکھ لیتے

وہ تم کچھ نہ کرتے مگر دیکھ لیتے

نہ کرتے کبھی خواہش سیر جنت

جو واعظ ترا رہ گزر دیکھ لیتے

رسائی کہاں بزم دشمن میں اپنی

کہ ہم بھی انہیں اک نظر دیکھ لیتے

تمنا کو پھر کچھ شکایت نہ رہتی

جو تم بھول کر بھی ادھر دیکھ لیتے

نہ رہتی خبر دین و دنیا کی حسرتؔ

جو سوتے انہیں بے خبر دیکھ لیتے

hamen waqf-e-gham sar basar dekh lete

wo tum kuchh na karte magar dekh lete

na karte kabhi khwahish-e-sair-e-jannat

jo waiz tira rah guzar dekh lete

rasai kahan bazm-e-dushman main apni

ke ham bhi unhen ik nazar dekh lete

tamanna ko phir kuchh shikayat na rahti

jo tum bhul kar bhi idhar dekh lete

na rahti khabar din-o-duniya ki hasrat

jo sote unhen be khabar dekh lete