ہم نہ تنہا اس گلی سے جاں کو کھو کر اٹھ گئے

ہم نہ تنہا اس گلی سے جاں کو کھو کر اٹھ گئے

سیکڑوں یاں زندگی سے ہاتھ دھو کر اٹھ گئے

دیکھنے پائے نہ ہم اشکوں کا اپنے کچھ ثمر

تخم گویا یاس کے یہ تھے جو بو کر اٹھ گئے

کل ترے بن باغ میں کچھ دل نہ اپنا جو لگا

اشک خونیں میں گلوں کو ہم ڈبو کر اٹھ گئے

لوٹتے ہیں اس ادا و ناز پر اور غش میں ہم

تھے وہ احمق جو کہ تیری کھا کے ٹھوکر اٹھ گئے

جان و دل ہم اک جگہ بیٹھے تھے کوچہ میں ترے

پاسباں کے ہاتھ سے آوارہ ہو کر اٹھ گئے

تو گیا تھا ڈھونڈھنے ان کو کہاں وے تو حسنؔ

تیرے گھر میں آئے بیٹھے لیٹے سو کر اٹھ گئے

ham na tanha us gali se jan ko kho kar uth gae

saikron yan zindagi se hath dho kar uth gae

dekhne pae na ham ashkon ka apne kuchh samar

tukhm goya yas ke ye the jo bu kar uth gae

kal tire bin bagh mein kuchh dil na apna jo laga

ashk-e-khunin mein gulon ko ham dubo kar uth gae

lautte hain is ada-o-naz par aur ghash mein ham

the wo ahmaq jo ke teri kha ke thokar uth gae

jan-o-dil ham ik jagah baithe the kucha mein tire

pasban ke hath se awara ho kar uth gae

tu gaya tha dhundhne un ko kahan we to husn

tere ghar mein ae baithe lete so kar uth gae