ہم نہ نکہت ہیں نہ گل ہیں جو مہکتے جاویں

ہم نہ نکہت ہیں نہ گل ہیں جو مہکتے جاویں

آگ کی طرح جدھر جاویں دہکتے جاویں

اے خوشا مست کہ تابوت کے آگے جس کے

آب پاشی کے بدل مے کو چھڑکتے جاویں

جو کوئی آوے ہے نزدیک ہی بیٹھے ہے ترے

ہم کہاں تک ترے پہلو سے سرکتے جاویں

غیر کو راہ ہو گھر میں ترے سبحان اللہ

اور ہم دور سے در کو ترے تکتے جاویں

وقت اب وہ ہے کہ اک ایک حسنؔ ہو کے بتنگ

صبر و تاب و خرد و ہوش کھسکتے جاویں

ham na nikhat hain na gul hain jo mahakte jawen

ag ki tarah jidhar jawen dahakte jawen

ai khusha mast ke tabut ke age jis ke

ab pashi ke badal mai ko chhirakte jawen

jo koi awe hai nazdik hi baithe hai tire

ham kahan tak tire pahlu se sarakte jawen

ghair ko rah ho ghar mein tire subhan allah

aur ham dur se dar ko tire takte jawen

waqt ab wo hai ke ik ek husn ho ke batang

sabr-o-tab-o-khirad-o-hosh khisakte jawen