ہم میں بھی اور انہوں میں پہلے جو یاریاں تھیں

ہم میں بھی اور انہوں میں پہلے جو یاریاں تھیں

دونوں دلوں میں کیا کیا امیدواریاں تھیں

وہ منتظر کہ آویں ہم پر تپش کہ جاویں

اس ڈھب کی ہر دو جانب بے اختیاریاں تھیں

نہ ضبط ہے نگہ کا نہ رک سکے نظارہ

کیا شوق ورزیاں تھیں کیا بے قراریاں تھیں

اٹھنے میں بیٹھنے میں ہنسنے میں بولنے میں

کچھ بے شعوریاں تھیں کچھ ہوشیاریاں تھیں

جس جا نظیرؔ آ کر ہوتی ہیں الفتیں تو

واں ایسی ایسی کتنی عشرت شعاریاں تھیں

ham mein bhi aur unhon mein pahle jo yariyan thin

donon dilon mein kya kya umidwariyan thin

wo muntazir ke awen ham par tapish ke jawen

is dhab ki har do janib be ikhtiyariyan thin

na zabt hai nigah ka na ruk sake nazara

kya shauq warziyan thin kya be qarariyan thin

uthne mein baithne mein hansne mein bolne mein

kuchh be shuuriyan thin kuchh hoshyariyan thin

jis ja nazir a kar hoti hain ulfaten to

wan aisi aisi kitni ishrat shiariyan thin