ہم نے تو خاک بھی دیکھا نہ اثر رونے میں

ہم نے تو خاک بھی دیکھا نہ اثر رونے میں

عمر کیوں کھوتے ہو اے دیدۂ تر رونے میں

رات کب آئے تم اور کب گئے معلوم نہیں

جان اتنی نہ رہی ہم کو خبر رونے میں

جب تلک اشک تھمیں بیٹھ اگر آیا ہے

تیری صورت نہیں آتی ہے نظر رونے میں

تجھ کو اے دیدۂ تر شغل ہے رونا لیکن

ڈوبا جاتا ہے یہاں دل کا نگر رونے میں

عالم عشق میں مجنوں بھی بڑا گاڑھا تھا

یار مجنوں سے بھی ہم گاڑے ہیں پر رونے میں

ham ne to khak bhi dekha na asar rone mein

umr kyun khote ho ai dida-e-tar rone mein

rat kab ae tum aur kab gae maalum nahin

jan itni na rahi ham ko khabar rone mein

jab talak ashk thamen baith agar aya hai

teri surat nahin ati hai nazar rone mein

tujh ko ai dida-e-tar shaghl hai rona lekin

duba jata hai yahan dil ka nagar rone mein

alam-e-ishq mein majnun bhi bara garha tha

yar majnun se bhi ham gare hain par rone mein