ہم پہ سو ظلم و ستم کیجئے گا

ہم پہ سو ظلم و ستم کیجئے گا

ایک ملنے کو نہ کم کیجئے گا

بھاگتے خلق سے کچھ کام نہیں

قصد ہے آپ سے رم کیجئے گا

گر یہی زلف و یہی مکھڑا ہے

غارت دیر و حرم کیجئے گا

گر رہی یوں ہی گل فشانیٔ اشک

جا بہ جا رشک ارم کیجئے گا

جی میں ہے آج بجائے مکتوب

یہی بیت اس کو رقم کیجئے گا

مہربانی سے پھر اے بندہ نواز

کہیے کس روز کرم کیجئے گا

نیند آوے گی نہ تنہا بیدارؔ

تا نہ خواب اس سے بہم کیجئے گا

ham pe so zulm-o-sitam kijiye ga

ek milne ko na kam kijiye ga

bhagte khalq se kuchh kam nahin

qasd hai ap se ram kijiye ga

gar yahi zulf-o-yahi mukhra hai

gharat dair-o-haram kijiye ga

gir rahi yun hi gul fishani-e-ashk

ja ba ja rashk-e-iram kijiye ga

ji mein hai aj bajae maktub

yahi bit us ko raqam kijiye ga

mehrbani se phir ai banda nawaz

kahiye kis roz-e-karam kijiye ga

nind awegi na tanha bedar

ta na khwab us se baham kijiye ga