ہم نے کس دن ترے کوچے میں گزارا نہ کیا

ہم نے کس دن ترے کوچے میں گزارا نہ کیا

تو نے اے شوخ مگر کام ہمارا نہ کیا

ایک ہی بار ہوئیں وجہ گرفتارئ دل

التفات ان کی نگاہوں نے دوبارا نہ کیا

محفل یار کی رہ جائے گی آدھی رونق

ناز کو اس نے اگر انجمن آرا نہ کیا

طعن احباب سنے سرزنش خلق سہی

ہم نے کیا کیا تری خاطر سے گوارا نہ کیا

جب دیا تم نے رقیبوں کو دیا جام شراب

بھول کر بھی مری جانب کو اشارا نہ کیا

روبرو چشم تصور کے وہ ہر وقت رہے

نہ سہی آنکھ نے گر ان کا نظارا نہ کیا

گر یہی ہے ستم یار تو ہم نے حسرتؔ

نہ کیا کچھ بھی جو دنیا سے کنارا نہ کیا

ham ne kis din tire kuche mein guzara na kiya

tu ne ai shokh magar kam hamara na kiya

ek hi bar huin wajh-e-giraftari-e-dil

iltifat un ki nigahon ne dobara na kiya

mahfil-e-yar ki rah jaegi adhi raunaq

naz ko us ne agar anjuman ara na kiya

taan ahbab sune sarzanish-e-khalq sahi

ham ne kya kya tiri khatir se gawara na kiya

jab diya tum ne raqibon ko diya jam-e-sharab

bhul kar bhi miri janib ko ishara na kiya

rubaru chashm-e-tasawwur ke wo har waqt rahe

na sahi ankh ne gar un ka nazara na kiya

gar yahi hai sitam-e-yar to ham ne hasrat

na kiya kuchh bhi jo duniya se kinara na kiya