ہم قتل ہو گئے نہیں تجھ کو خبر ہنوز

ہم قتل ہو گئے نہیں تجھ کو خبر ہنوز

باندھے پھرے ہے ہم پہ میاں تو کمر ہنوز

سو سو طرح کے وصل نے مرہم رکھے ولے

زخم فراق ہیں مرے ویسے ہی تر ہنوز

کھولی تھی خواب ناز سے کس نے یہ اٹھ کے زلف

لاتی ہے بوئے ناز نسیم سحر ہنوز

وعدوں پہ تیرے کام بھی میرا ہوا تمام

باتیں ہی تو بنایا کیا یار پر ہنوز

جو دودھ کا جلا ہو پئے چھاچھ پھونک پھونک

ہوں وصل میں پہ ہجر سے ہے مجھ کو ڈر ہنوز

بھولے سے تو نے پیار کی اک دن کہی جو بات

روتا ہوں دل ہی دل میں اسے یاد کر ہنوز

اجڑے ہزار شہر حسنؔ اور پھر بسے

آباد پر ہوا نہ یہ دل کا نگر ہنوز

ham qatl ho gae nahin tujh ko khabar hanoz

bandhe phire hai ham pe miyan to kamar hanoz

sau sau tarah ke wasl ne marham rakhe wale

zakhm-e-firaq hain mire waise hi tar hanoz

kholi thi khwab-e-naz se kis ne ye uth ke zulf

lati hai bu-e-naz-e-nasim-e-sahar hanoz

waadon pe tere kam bhi mera hua tamam

baten hi to banaya kya yar par hanoz

jo dudh ka jala ho piye chhachh phunk phunk

hun wasl mein pe hijr se hai mujh ko dar hanoz

bhule se tu ne pyar ki ik din kahi jo bat

rota hun dil hi dil mein use yad kar hanoz

ujre hazar shahr husn aur phir base

abad par hua na ye dil ka nagar hanoz