ہم دیکھیں کس دن حسن اے دل اس رشک پری کا دیکھیں گے

ہم دیکھیں کس دن حسن اے دل اس رشک پری کا دیکھیں گے

وہ قد وہ کمر وہ چشم وہ لب وہ زلف وہ مکھڑا دیکھیں گے

مت دیکھ بتوں کی ابرو کو ہٹ یاں سے تو اے دل ورنہ تجھے

ایک آن میں بسمل کر دیں گے اور آپ تماشا دیکھیں گے

دل دے کر ہم نے آج اسے ہی دیکھی صورت تیوری کی

یہ شکل رہی تو اے ہمدم کل دیکھیں کیا کیا دیکھیں گے

جب دیکھی اس کی چین جبیں یوں ہم نے نظیرؔ اس بت سے کہا

خیر آپ تو ہم سے ناخوش ہیں اب اور کو ہم جا دیکھیں گے

کیا لطف رہا اس چاہت میں جو ہم چاہیں اور تم ہو خفا

یہ بات سنی تو وہ چنچل یوں ہنس کر بولا دیکھیں گے

ham dekhen kis din husn ai dil is rashk-e-pari ka dekhenge

wo qad wo kamar wo chashm wo lab wo zulf wo mukhra dekhenge

mat dekh buton ki abru ko hat yan se to ai dil warna tujhe

ek an mein bismil kar denge aur ap tamasha dekhenge

dil de kar ham ne aj use hi dekhi surat tewri ki

ye shakl rahi to ai hamdam kal dekhen kya kya dekhenge

jab dekhi us ki chain-e-jabin yun ham ne nazir us but se kaha

khair ap to ham se nakhush hain ab aur ko ham ja dekhenge

kya lutf raha is chahat mein jo ham chahen aur tum ho khafa

ye bat suni to wo chanchal yun hans kar bola dekhenge