ہستیٔ نیست نما دیدۂ حیراں سمجھا

ہستیٔ نیست نما دیدۂ حیراں سمجھا

تجھ کو دوران بقا خواب پریشاں سمجھا

کفر و ایماں کا عجب رنگ ہے نیرنگی میں

یہ وہ نیرنگ ہے کافر نہ مسلماں سمجھا

لیلیٔ شوخ ادا عین تصور جو بنی

قیس کو دامن صحرا میں ہدیٰ خواں سمجھا

وسعت مشرب رنداں کا نہیں ہے محرم

زاہد سادہ ہمیں بے سر و ساماں سمجھا

رنگ فطرت نے بنایا ہے جو مخذوب قماش

منظر عالم نیرنگ بیاباں سمجھا

سالک راہ طلب آپ ہوئے راہ غلط

جادۂ منزل دشوار کو آساں سمجھا

جام سرشار سے مسرور رہے گا ساقیؔ

تیرا مستانہ بھی اے ساقیٔ دوراں سمجھا

hasti-e-nist numa dida-e-hairan samjha

tujh ko dauran-e-baqa khwab-e-pareshan samjha

kufr-o-iman ka ajab rang hai nairangi mein

ye wo nairang hai kafir na musalman samjha

laila-e-shokh ada ain tasawwur jo bani

qais ko daman-e-sahra mein huda khwan samjha

wusat-e-mashrab-e-rindan ka nahin hai mahram

zahid-e-sada hamen be sar-o-saman samjha

rang-e-fitrat ne banaya hai jo mukhzaub-e-qumash

manzar-e-alam-e-nairang-e-bayaban samjha

salik-e-rah-e-talab ap hue rah-e-ghalat

jada-e-manzil-e-dushwar ko asan samjha

jam-e-sarshar se masrur rahega saqi

tera mastana bhi ai saqi-e-dauran samjha