ہزار شرم کرو وصل میں ہزار لحاظ

ہزار شرم کرو وصل میں ہزار لحاظ

نہ نبھنے دے گا دل زار و بے قرار لحاظ

نہ گد گداؤ مجھے میں بھی تم کو چھیڑوں گا

میں کر چکا ہوں تمہارا ہزار بار لحاظ

نقاب اٹھنے کی جرأت کہیں نہ کر بیٹھے

بڑھائے کیوں دل مضطر کا اضطرار لحاظ

شراب پی چکے بے چارہ کو اجازت دو

کھڑا ہے دیر سے رخصت کو اے نگار لحاظ

میں مدح سنج ہوں دل سے ترے تلون کا

نہ پائیدار ہے الفت نہ پائیدار لحاظ

بتاؤ تو یہ رہے گا وصال میں کب تک

ہمارے ہاتھ کے بدلے گلے کا ہار لحاظ

کریں جو آپ تجاہل تو کیوں نہ سمجھاؤں

کرے حضور کہاں تک وفا شعار لحاظ

وہ اپنے سر کو ذرا بھی اٹھا نہیں سکتے

جھکی ہوئی ہے جو گردن تو ہے سوار لحاظ

جو ان سے پوچھو تو ان کے خلاف ہے شوخی

جو ہم سے پوچھو تو ہم کو ہے ناگوار لحاظ

تکلف اٹھتے ہی پرویںؔ وہ خوب کھل کھیلے

ہوا ہے شوخیوں سے کتنا بے وقار لحاظ

hazar sharm karo wasl mein hazar lihaz

na nibhne dega dil-e-zar-o-be qarar lihaz

na gid gadao mujhe main bhi tum ko chherunga

main kar chuka hun tumhara hazar bar lihaz

naqab uthne ki jurat kahin na kar baithe

barhae kyun dil-e-muztar ka iztirar lihaz

sharab pi chuke be chara ko ijazat do

khara hai der se rukhsat ko ai nigar lihaz

main madh sanj hun dil se tire talawwun ka

na paidar hai ulfat na paidar lihaz

batao to ye rahega wisal mein kab tak

hamare hath ke badle gale ka har lihaz

karen jo ap tajahul to kyun na samjhaun

kare huzur kahan tak wafa shiar lihaz

wo apne sar ko zara bhi utha nahin sakte

jhuki hui hai jo gardan to hai sawar lihaz

jo un se puchho to un ke khilaf hai shokhi

jo ham se puchho to ham ko hai nagawar lihaz

takalluf uthte hi parwin wo khub khul khele

hua hai shokhiyon se kitna be waqar lihaz