ہستی کی قید سے اے دل آزاد ہوئیے

ہستی کی قید سے اے دل آزاد ہوئیے

صحرا میں جا کے خوب سا ہنس ہنس کے روئیے

دونوں جہاں کا شادی و غم دل سے بھول کر

پاؤں دراز کر کے فراغت سے سوئیے

اے چشم از برائے خدا گر مدد کرے

اعمال نامہ اپنا تو رو رو کے دھویئے

حاتمؔ کسی سے اپنی مصیبت کو تو نہ کہہ

کیا فائدہ جو اپنا بھرم مفت کھوئیے

hasti ki qaid se ai dil azad hoiye

sahra mein ja ke khub sa hans hans ke roiye

donon jahan ka shadi-o-gham dil se bhul kar

paon daraz kar ke faraghat se soiye

ai chashm-e-az bara-e-khuda gar madad kare

aamal nama apna to ro ro ke dhoiye

hatim kisi se apni musibat ko to na kah

kya faida jo apna bharam muft khoiye