ہر طلب گار کو محنت کا صلہ ملتا ہے

ہر طلب گار کو محنت کا صلہ ملتا ہے

بت ہیں کیا چیز کہ ڈھونڈھے سے خدا ملتا ہے

وقت پر کام نہ آیا دل ناشاد کبھی

ٹوٹ کر یہ بھی اسی شوخ سے جا ملتا ہے

وہ جو انکار بھی کرتے ہیں تو کس ناز کے ساتھ

مجھ کو ملنے میں نہ ملنے کا مزا ملتا ہے

یہ کدورت یہ عداوت یہ جفا خوب نہیں

مجھ کو مٹی میں ملا کر تمہیں کیا ملتا ہے

نوحؔ ہم کو نظر آیا نہ یہاں بت بھی کوئی

لوگ کہتے تھے کہ کعبہ میں خدا ملتا ہے

har talab gar ko mehnat ka sila milta hai

but hain kya chiz ke dhundhe se khuda milta hai

waqt par kam na aya dil-e-nashad kabhi

tut kar ye bhi usi shokh se ja milta hai

wo jo inkar bhi karte hain to kis naz ke sath

mujh ko milne mein na milne ka maza milta hai

ye kudurat ye adawat ye jafa khub nahin

mujh ko mitti mein mila kar tumhen kya milta hai

nuh ham ko nazar aya na yahan but bhi koi

log kahte the ke kaaba mein khuda milta hai