جانے لگے ہیں اب دم سرد آسماں تلک

جانے لگے ہیں اب دم سرد آسماں تلک

ٹھنڈی سڑک بنی ہے یہاں سے وہاں تلک

جلتے ہیں غم سے جان و دل و سینہ و جگر

چاروں طرف ہے آگ بجھاؤں کہاں تلک

بیمار ہو گیا ہوں میں قحط شراب سے

للہ لے چلو مجھے پیر مغاں تلک

مسجد سے دور ہے یہ دکاں مے فروش کی

آتی نہیں ہے کان میں بانگ اذاں تلک

نکلا جو دم تو راحت و آرام ہے اسیرؔ

آوارگی ہے جسم کی روح رواں تلک

jane lage hain ab dam-e-sard asman talak

thandi sarak bani hai yahan se wahan talak

jalte hain gham se jan-o-dil-o-sina-o-jigar

charon taraf hai ag bujhaun kahan talak

bimar ho gaya hun main qaht-e-sharab se

lillah le chalo mujhe pir-e-mughan talak

masjid se dur hai ye dukan mai farosh ki

ati nahin hai kan mein bang-e-azan talak

nikla jo dam to rahat-o-aram hai asir

awargi hai jism ki ruh-e-rawan talak