ہر گل اس باغ کا نظروں میں دہاں ہے گویا

ہر گل اس باغ کا نظروں میں دہاں ہے گویا

صورت غنچہ جو دیکھوں تو زباں ہے گویا

تاک کی طرح سبھی مست پڑے اینڈیں ہیں

مے کدہ اب گرو بادہ کشاں ہے گویا

چشم ہے ترک نگہ نیزہ و مژگاں ترکش

زلف پر پیچ کا ہر حلقہ کماں ہے گویا

جا بھڑاتا ہے ہمیشہ مجھے خوں خواروں سے

دل بغل بیچ مرا دشمن جاں ہے گویا

حاتمؔ اب اس کی سبھی منہ کی طرف دیکھے ہیں

شیشہ مجلس میں یہاں پیر مغاں ہے گویا

har gul is bagh ka nazron mein dahan hai goya

surat-e-ghuncha jo dekhun to zaban hai goya

tak ki tarah sabhi mast pare ainden hain

mai kada ab giro bada kashan hai goya

chashm hai tark-e-nigah neza-o-mizhgan tarkash

zulf pur pech ka har halqa kaman hai goya

ja bhirita hai hamesha mujhe khun khwaron se

dil baghal bich mira dushman-e-jan hai goya

hatim ab us ki sabhi munh ki taraf dekhe hain

shisha majlis mein yahan pir-e-mughan hai goya