ہر طرف یار کا تماشا ہے

ہر طرف یار کا تماشا ہے

اس کے دیدار کا تماشا ہے

عشق اور عقل میں ہوئی ہے شرط

جیت اور ہار کا تماشا ہے

خلوت انتظار میں اس کی

در و دیوار کا تماشا ہے

سینۂ داغ داغ میں میرے

صحن گل زار کا تماشا ہے

ہے شکار کمند عشق سراجؔ

اس گلے ہار کا تماشا ہے

har taraf yar ka tamasha hai

us ke didar ka tamasha hai

ishq aur aql mein hui hai shart

jit aur har ka tamasha hai

khalwat-e-intizar mein us ki

dar-o-diwar ka tamasha hai

sina-e-dagh dagh mein mere

sehn-e-gul zar ka tamasha hai

hai shikar-e-kamand-e-ishq siraj

is gale har ka tamasha hai