ہر صدائے عشق میں اک راز ہے

ہر صدائے عشق میں اک راز ہے

نالۂ دل غیب کی آواز ہے

عشق نے دل کو پکارا اس طرح

میں یہ سمجھا آپ کی آواز ہے

ان سے مل کر میں انہیں میں کھو گیا

اور جو کچھ ہے وہ آگے راز ہے

حسن کے جلووں کو اپنے دل میں دیکھ

لن ترانی دور کی آواز ہے

وسعت تنظیم قدرت دیکھنا

ایک دل میں دو جہاں کا راز ہے

har sada-e-ishq mein ik raz hai

nala-e-dil ghaib ki awaz hai

ishq ne dil ko pukara is tarah

main ye samjha ap ki awaz hai

un se mil kar main unhen mein kho gaya

aur jo kuchh hai wo age raz hai

husn ke jalwon ko apne dil mein dekh

lan tarani dur ki awaz hai

wusat-e-tanzim-e-qudrat dekhna

ek dil mein do jahan ka raz hai