ہر حال میں رہا جو ترا آسرا مجھے

ہر حال میں رہا جو ترا آسرا مجھے

مایوس کر سکا نہ ہجوم بلا مجھے

ہر نغمے نے انہیں کی طلب کا دیا پیام

ہر ساز نے انہیں کی سنائی صدا مجھے

ہر بات میں انہیں کی خوشی کا رہا خیال

ہر کام سے غرض ہے انہیں کی رضا مجھے

رہتا ہوں غرق ان کے تصور میں روز و شب

مستی کا پڑ گیا ہے کچھ ایسا مزا مجھے

رکھیے نہ مجھ پہ ترک محبت کی تہمتیں

جس کا خیال تک بھی نہیں ہے روا مجھے

کافی ہے ان کے پائے حنابستہ کا خیال

ہاتھ آئی خوب سوز جگر کی دوا مجھے

کیا کہتے ہو کہ اور لگا لو کسی سے دل

تم سا نظر بھی آئے کوئی دوسرا مجھے

بیگانۂ ادب کیے دیتی ہے کیا کروں

اس محو ناز کی نگۂ آشنا مجھے

اس بے نشاں کے ملنے کی حسرتؔ ہوئی امید

آب بقا سے بڑھ کے ہے زہر فنا مجھے

har hal mein raha jo tira asra mujhe

mayus kar saka na hujum-e-bala mujhe

har naghme ne unhen ki talab ka diya payam

har saz ne unhen ki sunai sada mujhe

har bat mein unhen ki khushi ka raha khayal

har kam se gharaz hai unhen ki raza mujhe

rahta hun gharq un ke tasawwur mein roz-o-shab

masti ka par gaya hai kuchh aisa maza mujhe

rakhiye na mujh pe tark-e-mohabbat ki tohmaten

jis ka khayal tak bhi nahin hai rawa mujhe

kafi hai un ke pae hinabasta ka khayal

hath ai khub soz-e-jigar ki dawa mujhe

kya kahte ho ke aur laga lo kisi se dil

tum sa nazar bhi ae koi dusra mujhe

begana-e-adab kiye deti hai kya karun

is mahw-e-naz ki nigah-e-ashna mujhe

us be nishan ke milne ki hasrat hui umid

ab-e-baqa se barh ke hai zahr-e-fana mujhe