ہر صبح آوتا ہے تیری برابری کو

ہر صبح آوتا ہے تیری برابری کو

کیا دن لگے ہیں دیکھو خورشید خاوری کو

دل مارنے کا نسخہ پہونچا ہے عاشقوں تک

کیا کوئی جانتا ہے اس کیمیا گری کو

اس تند خو صنم سے ملنے لگا ہوں جب سے

ہر کوئی جانتا ہے میری دلاوری کو

اپنی فسوں گری سے اب ہم تو ہار بیٹھے

باد صبا یہ کہنا اس دل ربا پری کو

اب خواب میں ہم اس کی صورت کو ہیں ترستے

اے آرزو ہوا کیا بختوں کی یاوری کو

har subh awata hai teri barabari ko

kya din lage hain dekho khurshid khawari ko

dil marne ka nuskha pahuncha hai ashiqon tak

kya koi janta hai is kimiya giri ko

is tund khu sanam se milne laga hun jab se

har koi janta hai meri dilawari ko

apni fusun giri se ab ham to har baithe

bad-e-saba ye kahna is dil ruba pari ko

ab khwab mein ham us ki surat ko hain taraste

ai arzu hua kya bakhton ki yawari ko