ہر اک یہ کہتا ہے اب کار دیں تو کچھ بھی نہیں

ہر اک یہ کہتا ہے اب کار دیں تو کچھ بھی نہیں

یہ سچ بھی ہے کہ مزا بے یقیں تو کچھ بھی نہیں

تمام عمر یہاں خاک اڑا کے دیکھ لیا

اب آسمان کو دیکھوں زمیں تو کچھ بھی نہیں

مری نظر میں تو بس ہے انہیں سے رونق بزم

وہی نہیں ہیں جو اے ہم نشیں تو کچھ بھی نہیں

حرم میں مجھ کو نظر آئے صرف زاہد خشک

مکان خوب ہے لیکن مکیں تو کچھ بھی نہیں

ترے لبوں سے ہے البتہ اک حلاوت زیست

نبات قند شکر انگبیں تو کچھ بھی نہیں

دماغ اب تو مسوں کا ہے چرخ چارم پر

بڑھا دیا مری خواہش نے تھیں تو کچھ بھی نہیں

بہ قول حضرت محشرؔ کلام شاعر کا

پسند آئے تو سب کچھ نہیں تو کچھ بھی نہیں

وہ کہتے ہیں کہ تمہیں ہو جو کچھ ہو اے اکبرؔ

ہم اپنے دل میں ہیں کہتے ہمیں تو کچھ بھی نہیں

har ik ye kahta hai ab kar den to kuchh bhi nahin

ye sach bhi hai ke maza be yaqin to kuchh bhi nahin

tamam umr yahan khak ura ke dekh liya

ab asman ko dekhun zamin to kuchh bhi nahin

miri nazar mein to bas hai unhen se raunaq-e-bazm

wahi nahin hain jo ai ham nashin to kuchh bhi nahin

haram mein mujh ko nazar ae sirf zahid-e-khushk

makan khub hai lekin makin to kuchh bhi nahin

tire labon se hai albuta ik halawat zist

nabat qand shakar angbin to kuchh bhi nahin

dimagh ab to mison ka hai charkh-e-charm par

barha diya miri khwahish ne thin to kuchh bhi nahin

ba qaul hazrat mahshar kalam shayar ka

pasand ae to sab kuchh nahin to kuchh bhi nahin

wo kahte hain ke tumhen ho jo kuchh ho ai akbar

ham apne dil mein hain kahte hamen to kuchh bhi nahin