ہر سنگ میں شرار ہے تیرے ظہور کا

ہر سنگ میں شرار ہے تیرے ظہور کا

موسیٰ نہیں کہ سیر کروں کوہ طور کا

پڑھیے درود حسن صبیح و ملیح پر

جلوہ ہر ایک پر ہے محمد کے نور کا

توڑوں یہ آئنہ کہ ہم آغوش عکس ہے

ہووے نہ مج کو پاس جو تیرے حضور کا

بیکس کوئی مرے تو جلے اس پہ دل مرا

گویا ہے یہ چراغ غریباں کی گور کا

ہم تو قفس میں آن کے خاموش ہو رہے

اے ہم صفیر فائدہ ناحق کے شور کا

ساقی سے کہہ کہ ہے شب مہتاب جلوہ گر

دے بسمہ پوش ہو کے تو ساغر بلور کا

سوداؔ کبھی نہ مانیو واعظ کی گفتگو

آوازۂ دہل ہے خوش آیند دور کا

har sang mein sharar hai tere zuhur ka

musa nahin ke sair karun koh-e-tur ka

parhiye durud husn-e-sabih-o-malih par

jalwa har ek par hai mohammad ke nur ka

torun ye aina ke ham aghosh aks hai

howe na maj ko pas jo tere huzur ka

bekas koi mire to jale us pe dil mira

goya hai ye charagh ghariban ki gor ka

ham to qafas mein an ke khamosh ho rahe

ai ham safir faida nahaq ke shor ka

saqi se kah ke hai shab-e-mahtab jalwa gar

de basmah posh ho ke to saghar bilur ka

sauda kabhi na maniyo waiz ki guftugu

awaza-e-duhul hai khush ayand dur ka