ہائے جوانی

آہ کسے دکھ درد بتاؤں

کس کو اپنا حال سناؤں

دل سے ہوتی راہ ہے دل کو

گھائل کی ہو خبر گھائل کو

کون ہے میری سننے والا

کون ہے اب سر دھننے والا

کون افسوس کرے اب مجھ پر

کون ہو مجھ کو دیکھ کے مضطر

اس سن میں یہ درد نہانی

ہائے جوانی ہائے جوانی

آہ امیدیں خاک ہوئیں سب

جینا اب اک قہر ہے یا رب

دنیا سے اللہ اٹھا لے

مجھ کو اس کے پاس بلا لے

ah kise dukh dard bataun

kis ko apna hal sunaun

dil se hoti rah hai dil ko

ghayal ki ho khabar ghayal ko

kaun hai meri sunne wala

kaun hai ab sar dhunne wala

kaun afsos kare ab mujh par

kaun ho mujh ko dekh ke muztar

is sun mein ye dard-e-nihani

hae jawani hae jawani

ah ummiden khak huin sab

jina ab ik qahr hai ya rab

duniya se allah utha le

mujh ko us ke pas bala le