گیا سب رنج و غم کنج قفس کا

گیا سب رنج و غم کنج قفس کا

ترحم ہو گیا فریاد رس کا

رہے ثابت قدم راہ وفا میں

شکستہ دل ہوا پائے ہوس کا

حضوری ہو گئی غیبت میں ہم کو

ترنم دل میں ہے بانگ جرس کا

کریں اس شوخ سے ہم قطع الفت

نہیں یہ کام ساقیؔ اپنے بس کا

gaya sab ranj-o-gham kunj-e-qafas ka

tarahhum ho gaya fariyad ras ka

rahe sabit qadam rah-e-wafa mein

shikasta dil hua pae hawas ka

huzuri ho gai ghibat mein ham ko

tarannum dil mein hai bang-e-jaras ka

karen us shokh se ham qata ulfat

nahin ye kam saqi apne bas ka