گیسو سے عنبری ہے صبا اور صبا سے ہم

گیسو سے عنبری ہے صبا اور صبا سے ہم

مہکی ہوئی ہے آج ہوا اور ہوا سے ہم

شوخی سے ایک جا تجھے دم بھر نہیں قرار

بے چین تجھ سے تیری ادا اور ادا سے ہم

آرائشوں سے کشتن عاشق مراد ہے

ہوتی ہے پائمال حنا اور حنا سے ہم

ہم سے وصال میں بھی ہوئے وہ نہ بے حجاب

لپٹی رہی بدن سے ردا اور ردا سے ہم

کس منہ سے ہاتھ اٹھائیں فلک کی طرف ظہیرؔ

مایوس ہے اثر سے دعا اور دعا سے ہم

gesu se ambari hai saba aur saba se ham

mahki hui hai aj hua aur hawa se ham

shokhi se ek ja tujhe dam bhar nahin qarar

be chain tujh se teri ada aur ada se ham

araishon se kashtan ashiq murad hai

hoti hai paimal-e-hina aur hina se ham

ham se wisal mein bhi hue wo na be hijab

lipti rahi badan se rida aur rida se ham

kis munh se hath uthaen falak ki taraf zahir

mayus hai asar se dua aur dua se ham