عمر بھر درد کے رشتوں کو نبھانے سے رہا

عمر بھر درد کے رشتوں کو نبھانے سے رہا

زندگی میں تو ترے ناز اٹھانے سے رہا

جب بھی دیکھا تو کناروں پہ تڑپتا دیکھا

یہ سمندر تو مری پیاس بجھانے سے رہا

بس یہی سوچ کے سر اپنا قلم کر ڈالا

اب وہ الزام مرے سر تو لگانے سے رہا

اس زمانہ میں جہالت سے گزر ہوتی ہے

اب ہنر سے تو کوئی گھر کو چلانے سے رہا

ہم ہی ترکیب کریں کوئی اجالوں کے لئے

اب اندھیرا تو چراغوں کو جلانے سے رہا

وقت کے مرمریں پتھر پہ غزل لکھتا ہوں

یہ عبارت کوئی موسم تو مٹانے سے رہا

بے تعلق تو نہیں عمر گزاری ہے نفسؔ

رشتۂ غیر سہی کچھ تو زمانہ سے رہا

umr bhar dard ke rishton ko nibhane se raha

zindagi mein to tire naz uthane se raha

jab bhi dekha to kinaron pe tarapta dekha

ye samundar to miri pyas bujhane se raha

bas yahi soch ke sar apna qalam kar dala

ab wo ilzam mire sar to lagane se raha

is zamana mein jahalat se guzar hoti hai

ab hunar se to koi ghar ko chillane se raha

ham hi tarkib karen koi ujalon ke liye

ab andhera to charaghon ko jalane se raha

waqt ke marmarin patthar pe ghazal likhta hun

ye ibarat koi mausam to mitane se raha

be taalluq to nahin umr guzari hai nafas

rishta-e-ghair sahi kuchh to zamana se raha