گھٹ گھٹ کے تیرے عشق میں کتنا رہا ہوں میں

گھٹ گھٹ کے تیرے عشق میں کتنا رہا ہوں میں

اتنا کہ اپنے ساتھ بھی تنہا رہا ہوں میں

نا پیدا میں حیات و قضا کے بھرم سا ہوں

ہوتا رہا ہوں ساتھ میں کھوتا رہا ہوں میں

آنکھیں چراغ مفلساں سے کم نہیں مری

ہر اشک کو سنبھال کے روتا رہا ہوں میں

پھر دل چلا نہ جائے کہیں عشق دوست میں

دشمن ہی خود کو آپ کا ٹھہرا رہا ہوں میں

دل میں لگے کہ تن میں لگے آگ آگ ہے

زندہ چتا سا عشق میں جلتا رہا ہوں میں

کہتا تھا مار ڈالے گا مرنا ترا مجھے

کیسے بتاؤں تجھ کو کہ جیتا رہا ہوں میں

دیتا وجہ تو کاش مجھے ترک عشق کی

ظلم اپنے ہی خیال کے سہتا رہا ہوں میں

میں بھاگتا رہا ہوں حقیقت سے عشق کی

اور عشق کے خیال میں بیٹھا رہا ہوں میں

شعر و سخن کی راہ میں تنہائی ساتھ ہے

جو بھی یہ بولتی ہے سو دہرا رہا ہوں میں

ghut ghut ke tere ishq mein kitna raha hun main

itna ke apne sath bhi tanha raha hun main

na paida mein hayat-o-qaza ke bharam sa hun

hota raha hun sath mein khota raha hun main

ankhen charagh muflisan se kam nahin miri

har ashk ko sambhal ke rota raha hun main

phir dil chala na jae kahin ishq dost mein

dushman hi khud ko ap ka thahra raha hun main

dil mein lage ke tan mein lage ag ag hai

zinda chita sa ishq mein jalta raha hun main

kahta tha mar dalega marna tira mujhe

kaise bataun tujh ko ke jita raha hun main

deta wajh to kash mujhe tark-e-ishq ki

zulm apne hi khayal ke sahta raha hun main

main bhagta raha hun haqiqat se ishq ki

aur ishq ke khayal mein baitha raha hun main

sher-o-sukhan ki rah mein tanhai sath hai

jo bhi ye bolti hai so dohra raha hun main