مداوائے دل دیوانہ کرتے

مداوائے دل دیوانہ کرتے

یہ کرتے ہم تو کچھ اچھا نہ کرتے

وفا صادق اگر ہوتی ہماری

وہ کرتے بھی تو جور اتنا نہ کرتے

ہم اچھا تھا جو بہر پردہ پوشی

محبت کا تری چرچا نہ کرتے

تمہاری فتنہ پردازی کا شکوا

جو ہم کرتے تو کچھ بے جا نہ کرتے

نگاہیں عاشقوں کی تھی ہوس کار

وہ کیا کرتے اگر پردا نہ کرتے

جو پھر ملنے کی ہوتی کچھ بھی امید

تو ہم اس کے لیے کیا کیا نہ کرتے

طلب کا حوصلہ ہوتا تو اک دن

خطاب اس بت سے بیباکانہ نہ کرتے

ہمارا پاس انہیں کچھ بھی جو ہوتا

کسی کی اور ہم پروا نہ کرتے

شکیبائی کا دم رکھتے تو حسرتؔ

انہیں یوں شوق سے دیکھا نہ کرتے

mudawa-e-dil-e-diwana karte

ye karte ham to kuchh achchha na karte

wafa sadiq agar hoti hamari

wo karte bhi to jaur itna na karte

ham achchha tha jo bahr-e-parda poshi

mohabbat ka tiri charcha na karte

tumhari fitna pardazi ka shakwa

jo ham karte to kuchh be ja na karte

nigahen ashiqon ki thi hawas kar

wo kya karte agar parda na karte

jo phir milne ki hoti kuchh bhi ummid

to ham us ke liye kya kya na karte

talab ka hausla hota to ik din

khitab us but se bebakana na karte

hamara pas unhen kuchh bhi jo hota

kisi ki aur ham parwa na karte

shakebai ka dam rakhte to hasrat

unhen yun shauq se dekha na karte