ان کو رسوا مجھے خراب نہ کر

ان کو رسوا مجھے خراب نہ کر

اے دل اتنا بھی اضطراب نہ کر

آمد یار کی امید نہ چھوڑ

دیکھ اے آنکھ میل خواب نہ کر

مل ہی رہتی ہے مے پرست کو مے

فکر نایابئ شراب نہ کر

ناصحا ہم کریں گے شرح جنوں

دل دیوانہ سے خطاب نہ کر

شوق یاروں کا بے شمار نہیں

ستم اے دوست بے حساب نہ کر

دل کو مست خیال یار بنا

لب کو آلودۂ شراب نہ کر

رکھ بہرحال شغل مے حسرتؔ

اس میں پروائے شیخ و شاب نہ کر

un ko ruswa mujhe kharab na kar

ai dil itna bhi iztirab na kar

amad-e-yar ki umid na chhor

dekh ai ankh mel khwab na kar

mil hi rahti hai mai parast ko mai

fikr-e-nayabi-e-sharab na kar

nasha ham karenge sharh-e-junun

dil-e-diwana se khitab na kar

shauq yaron ka be shumar nahin

sitam ai dost be hisab na kar

dil ko mast-e-khayal-e-yar bana

lab ko aluda-e-sharab na kar

rakh bahrhal shaghl-e-mai hasrat

is mein parwae shaikh-o-shab na kar