روگ دل کو لگا گئیں آنکھیں

روگ دل کو لگا گئیں آنکھیں

اک تماشا دکھا گئیں آنکھیں

مل کے ان کی نگاہ جادو سے

دل کو حیراں بنا گئیں آنکھیں

مجھ کو دکھلا کے راہ کوچۂ یار

کس غضب میں پھنسا گئیں آنکھیں

اس نے دیکھا تھا کس نظر سے مجھے

دل میں گویا سما گئیں آنکھیں

محفل یار میں بہ ذوق نگاہ

لطف کیا کیا اٹھا گئیں آنکھیں

حال سنتے وہ کیا مرا حسرتؔ

وہ تو کہئے سنا گئیں آنکھیں

rog dil ko laga gain ankhen

ik tamasha dikha gain ankhen

mil ke un ki nigah jadu se

dil ko hairan bana gain ankhen

mujh ko dikhla ke rah kucha-e-yar

kis ghazab mein phansa gain ankhen

us ne dekha tha kis nazar se mujhe

dil mein goya sama gain ankhen

mahfil-e-yar mein ba zauq-e-nigah

lutf kya kya utha gain ankhen

hal sunte wo kya mira hasrat

wo to kahiye suna gain ankhen