تم وقت سحر روزن دیوار میں دیکھو

تم وقت سحر روزن دیوار میں دیکھو

لالی سی کہیں صبح کے آثار میں دیکھو

ہر جنس کی قیمت ہے مرے سر سے زیادہ

رک کر تو کبھی کوچہ و بازار میں دیکھو

تھک ہار کے سیکھے ہیں مسافت کے قرینے

اک تازہ سفر سایۂ دیوار میں دیکھو

یہ اطلس و کمخواب مرا اصل نہیں ہیں

ملنا ہو تو مجھ کو مرے پندار میں دیکھو

اب جرم ہے ہمسائے کا ہمسائے سے ملنا

یہ تازہ خبر آج کے اخبار میں دیکھو

میں نیند میں چلتا ہوا کھو جاؤں نہ قیصرؔ

آہٹ مرے قدموں کی شب تار میں دیکھو

tum waqt-e-sahar rauzan-e-diwar mein dekho

lali si kahin subh ke asar mein dekho

har jins ki qimat hai mire sar se ziyada

ruk kar to kabhi kucha-o-bazar mein dekho

thak har ke sikhe hain masafat ke qarine

ik taza safar saya-e-diwar mein dekho

ye atlas-o-kamkhwab mira asl nahin hain

milna ho to mujh ko mire pindar mein dekho

ab jurm hai hamsae ka hamsae se milna

ye taza khabar aj ke akhbar mein dekho

main nind mein chalta hua kho jaun na qaisar

ahat mire qadmon ki shab-e-tar mein dekho