خوابوں کا گزر دیدۂ بیدار سے ہوگا

خوابوں کا گزر دیدۂ بیدار سے ہوگا

خوشبو کا سفر ہر در و دیوار سے ہوگا

پھر کاسۂ سر کوچۂ قاتل میں سجیں گے

یہ کھیل تو جاری رسن و دار سے ہوگا

ہر حرف سے پھوٹے گی کرن صبح جنوں کی

ہر باب رقم جرأت اظہار سے ہوگا

پہچان شرافت کی زر و مال سے ہوگی

معیار سخن جبہ و دستار سے ہوگا

ہر صبح کی نسبت کسی مظلوم سے ہوگی

آغاز ہر اک شب کا ستم گار سے ہوگا

قیصرؔ ترے لفظوں کی کسک یاد رہے گی

اندیشہ دوراں ترے اشعار سے ہوگا

khwabon ka guzar dida-e-bedar se hoga

khushbu ka safar har dar-o-diwar se hoga

phir kasa-e-sar kucha-e-qatil mein sajenge

ye khel to jari rasan-o-dar se hoga

har harf se phutegi kiran subh junun ki

har bab-e-raqam jurat-e-izhar se hoga

pahchan sharafat ki zar-o-mal se hogi

meyar-e-sukhan jubba-o-dastar se hoga

har subh ki nisbat kisi mazlum se hogi

aghaz har ik shab ka sitam gar se hoga

qaisar tire lafzon ki kasak yad rahegi

andesha dauran tire ashar se hoga