اپنے ہی لوگ اپنے نگر اجنبی لگے

اپنے ہی لوگ اپنے نگر اجنبی لگے

واپس گئے تو گھر کی ہر اک شے نئی لگے

خانوں میں بٹ چکی تھی سمندر کی وسعتیں

دریا محبتوں کے سمٹتی ندی لگے

راتوں کی بھینٹ چڑھ گئے وہ چاند جیسے لوگ

تاریکیوں کے دیو جنہیں کاغذی لگے

سونا سمیٹتی تھی جہاں کھیتیوں میں دھوپ

وہ فصل میرے گاؤں کی خاشاک سی لگے

راوی کی شام سندھ کی نکھری ہوئی سحر

کام آ سکے تو ان کو مری زندگی لگے

قیصرؔ دلوں کے فاصلے ایسے نہ تھے کبھی

دو گام طے کروں تو مجھے اک صدی لگے

apne hi log apne nagar ajnabi lage

wapas gae to ghar ki har ik shai nai lage

khanon mein bat chuki thi samundar ki wusaten

dariya mohabbaton ke simatti nadi lage

raton ki bhent charh gae wo chand jaise log

tarikiyon ke dew jinhen kaghzi lage

sona sametti thi jahan khetiyon mein dhup

wo fasl mere gaon ki khashak si lage

rawi ki sham sandh ki nikhri hui sahar

kam a sake to un ko miri zindagi lage

qaisar dilon ke fasle aise na the kabhi

do gam tai karun to mujhe ik sadi lage