پھر بھیانک تیرگی میں آ گئے

پھر بھیانک تیرگی میں آ گئے

ہم گجر بجنے سے دھوکا کھا گئے

ہائے خوابوں کی خیاباں سازیاں

آنکھ کیا کھولی چمن مرجھا گئے

کون تھے آخر جو منزل کے قریب

آئنے کی چادریں پھیلا گئے

کس تجلی کا دیا ہم کو فریب

کس دھندلکے میں ہمیں پہنچا گئے

ان کا آنا حشر سے کچھ کم نہ تھا

اور جب پلٹے قیامت ڈھا گئے

اک پہیلی کا ہمیں دے کر جواب

اک پہیلی بن کے ہر سو چھا گئے

پھر وہی اختر شماری کا نظام

ہم تو اس تکرار سے اکتا گئے

رہنماؤ رات ابھی باقی سہی

آج سیارے اگر ٹکرا گئے

کیا رسا نکلی دعائے اجتہاد

وہ چھپاتے ہی رہے ہم پا گئے

بس وہی معمار فردا ہیں ندیمؔ

جن کو میرے ولولے راس آ گئے

phir bhayanak tirgi mein a gae

ham gajar bajne se dhoka kha gae

hae khwabon ki khiyaban saziyan

ankh kya kholi chaman murjha gae

kaun the akhir jo manzil ke qarib

aine ki chadaren phaila gae

kis tajalli ka diya ham ko fareb

kis dhundalke mein hamen pahuncha gae

un ka ana hashr se kuchh kam na tha

aur jab palte qayamat dha gae

ik paheli ka hamen de kar jawab

ik paheli ban ke har su chha gae

phir wahi akhtar shumari ka nizam

ham to is takrar se ukta gae

rahanmao rat abhi baqi sahi

aj sayyare agar takra gae

kya rasa nikli dua-e-ijtihad

wo chhupate hi rahe ham pa gae

bas wahi memar-e-farda hain nadim

jin ko mere walwale ras a gae